Mendi ibilaldia eta egun osoko festa gaur, gaztetxo aranoar eta goizuetarrek

Aranoko eta Goizuetako gaztetxoentzat, egun polita antolatu du Guraso Elkarteak gaurko. Bi herriak lotuz mendi ibilaldia egingo dute aurrena, eta elkarrekin festa ondoren Aranon. Goizeko 10:00etan abiatuko dira, goizuetarrak plazatik eta aranoarrak frontoitik; eta bidean eginen dute topo. Hamaiketakoa elkarrekin egin, eta Aranora joanen dira, bertan jarraituko baitu eguneko egitarauak: bazkaria eginen dute elkartean, eta jokoak arratsaldean; sorpresaren bat ere izanen da tartean. Festa bukatuta, goizuetarrak 19:00etan bueltatuko dira herrira, autobusean. Parte hartzeko, aldez aurretik eman behar zen izena.