Liga erregularrak amaituta, kopako azken faseari ekingo diote asteburu honetan bailarako zenbait eskubaloi taldek. Finalerdietako partiduak jokatuko dituzte oraingoan, final haundira iritsiko asmoarekin.
Hernaniko gizonezkoen senior mailako taldeak Soraluzeren aurka jokatuko du, etxetik kanpo, gaur arratsaldeko 18:30etan. Mundarroko neska jubenilek, berriz, Elgoibarko Olaizaga kiroldegian jokatuko dute gaur, 16:00etatik aurrera; eta Hernaniko mutil jubenilak etxean arituko dira, Leizaranen aurka, 18:00etan hasita.