Martxa hartuta du Gipuzkoako Herriarteko Txapelketak, eta jardunaldi honetan, Hernaniko pelotariek eskuz final-zortzirenei ekingo diete. Izan ere, pasa den ostiralean, Hernanik 2-1 irabazi zion Astigarragako taldeari, kadeteek eta jubenilek irabazita, eta nagusiek galduta. Beraz, gaur arratsaldeko 19:30etan, Hernanik Azkoitia izango du aurrez aurre, joaneko hiru partiduetan. Bueltako partiduak bi aste barru izango dira Azkoitian.
Ekhi Osesek eta Manex Alberdi kadeteekin hasiko dira gaurko joaneko partiduak: segidan, jubenilen txanda izango da eta Xuban Iturbek, Oier Azpeitiarekin batera jokatuko du. Eta amaitzeko, nagusietan Xabier Apaolazak eta Markel Lizeagak osatuko dute azken partiduko bikotea.
Bestalde, pelotari gehienak jokatzen ari diren Udaberri Txapelketan, Hernaniko hainbat pelotarik egin dute aurrera kategoria desberdinetan. Datorren astetik aurrera hasiko dira bigarren faseko partiduak, hain zuzen.
Trinketean berriz, Espainiako Txapelketan, Unax Manterola eta Iñigo Labakak irabazi egin zuten lehen kanporaketa Larrabideko frontoian. Eta igande honetan, goizeko 10:30etan jokatuko dute, Beti Onaken aurka, Mendilorrin.
Salaberriak semifinala, gaur
Buruz buruzko promozio mailako txapelketan, semifinala jokatuko du gaur Iker Salaberria aurrelari goizuetarrak, Larrazabalen aurka. Gaueko 21:00etan hasiko da norgehiagoka Amurrion eta ETBn, ikusgai izango da partidua zuzenean.