Lau urteren ondoren, Leitzako kaleak betetzeko asmoarekin, joan den asteburuan jokatu zen Leitzako Herri Krosa. XLII. edizioa. Hiru kategoriatan banatu zuten lasterketa: batetik, benjaminen maila; bestetik, gazteen maila, eta azkenik, absoluta. Helduen mailan, 5 kilometroko lasterketan parte hartzeko aukera zegoen, edota 10 kilometrokoan, eta tartean ziren Urumea bailarako korrikalariak.
Hirugarren amaitu zuen Ibai Alba hernaniarrak 00:34:31 denborarekin, absolutu mailan; eta Lierni Zinkunegi astigartarra, bigarren helmugaratu zen 00:42:43 denborarekin, maila berean.