Baztango Udaberri Txapelketan hartu dute parte CD Hernaniko zenbait bikotek, eskuz; eta horietatik bik, semifinaletara sailkatzea lortu zuten aurreko igandean. Batetik, Imanol Ormazabal astigartarrak eta Lier Zugasti hernaniarrak mendean hartu zuten Tolosako bikotea (18-11), final laurdenetan, azken txanpara sailkatzeko. Eta bestetik, Ekhi Osesek eta Etxeberriak 18-5 menderatu zuten Ardoiko bikotea, semifinaletara aurrera egiteko. Unax Mendiablek eta Hegoi Zabalak, aldiz, galdu egin zuten Iruritaren kontra (6-18). Gainerakoan, lurralde mailako txapelketa ofizialek atseden hartu dute oporraldian, baina partidu garrantzitsua izango du bihar Mikel Manterola palista hernaniarrak: Gipuzkoako Banakako Txapelketan, final laurdenetako partidua jokatuko du, nagusien bigarren mailan. Elgoibarren ariko da, arratsaldeko 19:00etan hasita Ikastolan, Lagunak taldeko Conderen kontra.