Asteburu honetan C.D. Hernaniko pelotariek, guztira 11 norgehiagoka jokatuko dituzte txapelketa ofizial eta pribatuetan. Gaur arratsaldeko 19:30etan, Astigarragako Txomiñenen jokatuko dute Udaberri Txapelketako 2garren mailako finala, Oier Azpeitiak eta Zabalak (Mundarro); Barrena eta Madinagoitia bikotearen aurka.
Ordu erdi beranduago, hau da, arratsaldeko 20:00etan, Imanol Ormazabalek eta Oier Arsuagak, Amezketan dute hitzordu garrantzitsua. Izan ere, Gipuzkoako Txapelketako lehenengo mailako finala jokatuko dute, Behar Zanako bikotearen aurka.
Txapelketa pribatuei dagokienez, gaur arratsaldeko 19:30etan, Unax Mendialdek eta Hegoi Zabalak, Behar Zana izango dute aurrez aurre, Hernaniko kiroldegian.