Bigarren astez jarraian emaitza berberak lortu dituzte bailarako futbol talde nagusiek. Euskal Ligan, Hernaniko neskek 0-0 berdindu zuten Santurtzin, Peña Atheticen aurka. Zapore gazi gozoarekin amaitu zuten. Burua altxa ezinik dabiltzanak Ohorezko Erregionaleko mutilak dira. Bosgarren partidua jarraian galdu zuten. Oraingoan, 0-3 Aretxabaletaren aurka. Preferente mailan, Mundarroko mutilek bigarren astez jarraian bina berdindu zuten, Usurbilen kontra.
Jubenil Nazionalak, 1-0 irabazi
Hernaniko mutil jubenilen Nazional mailako taldeak ere aurreko asteko emaitza berdina eskuratu zuen, 1-0eko garaipena. Oraingoan etxetik kanpo, Santutxun (Bilbon), lortu zuen garaipen garrantzitsua, eta sailkapenaren erdiko postuetan, hamargarren, kokatu da.