Hernanik berdinketa ona lortu zuen larunbatean, Zarautzen aurka, Euskal Ligan. Hernaniarrak hirugarren minutuan aurreratu ziren, jokaldi on baten ondoren, Maddi Muñozen golari esker, baina zarauztarrak hamalaugarren minutuan berdindu zuten partidua. Ostiralean eta larunbatean egin zuen euriaren eraginez Zubipe astuna zegoen, baina jokalariak ongi moldatu ziren.
Zarautz taldea bosgarren postuan dago egonkortuta, seigarren postuarekiko zazpi puntuko alde nabarmenarekin eta Hernanik berdinketa lortzea emaitza ona da. Hernaniarrak zortzigarren postuan jarraituko dute sailkapenean jardunaldiaren amaieran.
Mundarrok ere berdindu egin zuen Hondarribian
Preferente mailan, Mundarroko mutilek bina berdindu zuten Hondarribiaren aurka. Talde guztien artean berdintasun haundia dago eta Ondartzan jokatutako norgehiagoka berdintasun horren islada izan zen. Kanpoan etxean bezain lehiakorra da talde astigartarra eta larunbatean hori bera erakutsi zuen.