Azken asteetako bolada txarra eten, eta 2024ko lehenengo garaipena lortzen saiatuko da Hernani, gaur eguerdian, nesken Euskal Ligan. Erandioko Betiko Neskak taldea hartuko dute berdeek Zubipen, 11:45etan hasita.
Kontrario zuzena da Erandio, sailkapenean juxtu aurretik dagoena, bi puntu gehiagorekin. Une honetan zortzigarrena da Hernani, 33 puntu pilatuta.
Mutilen Ohorezko Erregional mailan, berriz, etxetik kanpo ariko da Hernani berriro: gaur 16:00etan, Zumaiako Aita Mari zelaian, Zumaiakoren kontra. Urteko estreinako garaipena lortu ezinik dabiltza mutil berdeak ere, eta horretan saiatuko dira.
Mundarrok, bere aldetik, etxean jokatuko du mutilen Erregional Preferenteko partidua: Sanpedrotarra hartuko dute moreek Zarkumendegin, gaur arratsaldeko 16:00etan.