Familia osoarentzat plan borobila izango dute bihar herritar gazte eta helduek. Aparrain mendiko azpialdean izango da 49. Zuhaitz Eguna, (XXV. Joxe Legarreta Zuhaitz Eguna). Bertan haritzak eta lizarrak landatuko dituzte elkartutako haur zein helduek. Guztira 250 arbol aldatuko dituzte, horietatik 200 haritzak izango dira eta beste 50, lizarrak.
Hernaniko ikastetxeetako Lehen Hezkuntzako 3. eta 4. mailetako ikasleek eta herritar helduek parte hartu ahalko dute jardueran. Beraz, inguruko mendietan, 250 zuhaitza berriri bizitza emango diote bertaratutakoek.
Aparrainera iristeko bi modu izango dira
Zuhaitzak landatzeko tokira bi modutara iristeko aukera izango da. Autobusez joango dira Ugaldetxoraino, eta handik oinez iritsiko dira jarduera egingo den eremura. Autobusa 09:00etan abiatuko da Hernanitik (Elkano kaletik -Biteri Kultur Etxe ondoan), eta 09:10etan Ereñotzutik. Aparrainera oinez joango diren helduak, Gudarien plazatik 07:30etan aterako dira.
Hamaiketakoa, Aparraingo bordan
Aparrainera iritsi bezain pronto hasiko dira zuhaitzak landatzen: atxurra hartu, zuloa egin, eta basozainak eskainitako zuhaitza lurperatuko dute. Ondoren, Aparraingo bordara joango dira hamaiketakoa egiteko. 12:30ak aldera egingo dute buelta, eta horretarako autobusa aterako da, Ugaldetxotik.