Urumea bailara osora zabalduko dira etzitik inauteriak. Astigarragan eta Goizuetan indar haundiz ospatuko dira. Egutegian gorriz markatutako lau egun izaten dira Goizuetan. Igandean hasiko dira karnabalak, eta horrekin batera, baita prozesio txuri-gorria ere. Astigarragan bazkaria, txaranga, desfilea eta dantzaldia izango dira etzi, larunbatean. Igandean, Iñude eta Artzainek hartuko dute protagonismoa.
Goizuetan, gaztetxoak izanen dira herriari kolore bereizgarriak ematen aurrenekoak, igande arratsaldean Zahagi Dantza eskainita. Eta elkarrekin afalduta bilduko dituzte indarrak Mozorroek, hurrengo bi egunetarako: baserriz baserri ibiliko dira astelehenean, eta herriko etxeetan barrena asteartean.
Historiaurrea da aurtengo gaia, eta astelehen eguerdi partean eginen dute kalejira, herrian zehar. Ohi bezala, astearte arratsaldean izanen da Zahagi Dantza, Motzanetik hasita. Ohikoak izanen dira bazkari-afariak, noski; eta musikarik ere ez da faltako.
Kontuen Egunarekin jarriko diete errematea hurrengo larunbatean, otsailaren 17an. Hutsik egin gabe, Igandea txarangak girotuko ditu poteoa eta arratsaldea, eta azkeneko bazkaria eginen dute Mozorroek.
|
GOIZUETAKO KARNABALAK OTSAILAK 11, igandea 17:00, Gaztetxoen Zahagi Dantza 19:00, Erromeria, Astiazaran II eta Andonegirekin 21:30, Mozorroen afaria OTSAILAK 12, astelehena 08:00, Mozorroen irteera baserrietara 10:00, Plazaren apainketa. Eguraldi txarra eginez gero, frontoian. Gaia: Historiaurrea. 13:30, Umeen bazkaria Ondoren, Haurrentzako filma 17:00, DJ Mikeltxi 20:00ak aldera, Mozorroen etorrera dultzaineroekin 20:00, Mozorroen afaria OTSAILAK 13, asteartea 09:00, Mozorroen gosaria 10:00, Mozorroen irteera herrian zehar 14:00, Mozorroen bazkaria 17:00, Zahagi Dantza, Motzanetik hasita 19:00, Erromeria, Astiazaran II eta Andonegirekin 22:00, Mozorroen afaria OTSAILAK 17, Kontuen Eguna 12:30, Mozorroen poteoa, Igandea txarangarekin 14:30, Mozorroen bazkaria 17:30, Igandea txaranga Gauean, 'Tocan 2 la polla' kontzertua, Gaztetxean |
|
ASTIGARRAGAKO INAUTERIAK ETZI, larunbata 14:00, Bazkaria, Foru Plazan. Bakoitzak bere jana eraman behar du. 16:30, Kita Del Pare txaranga, Foru Plazatik abiatuta. 17:30, Mozorroen desfilea, Foru Plazatik abiatuta. Partehartzea irekia da. 18:30, DJ KIrekin dantzaldia, Kontxa Etxeberria plazan. OTSAILAK 11, igandea 11:30, Iñude eta Artzainen konpartsa, Ergobiko plazatik abiatuta. Euria eginez gero, 12:00etan Kontxa Etxeberria plazatik. Edonork hartu dezake parte, epokako jantziekin apainduta egonez gero. Astigar elkarteak antolatuta. OTSAILAK 17, larunbata 17:30, Kaldereroen konpartsa, Ergobiko plazatik abiatu eta Joseba Barandiaran plazan bukatuta. Ondorengo afarirako, txartelak salgai daude Zipotzan. Zipotza elkarteak antolatuta. |