Bolada txarrari buelta emateko aukera dute Hernaniko Euskal Ligako neskek, bihar. Izan ere, Oiartzunen aurka leihatu beharko dira berdeak, eta Oiartzungo taldea azkenaurrena dela kontutan izanik, aukera asko ditu Hernanik hiru puntu lortzeko. Etxeko zelaian izango da partidua, bihar arratsaldeko 16:15etan Zubipen.
Hernaniko Ohorezko Erregional mailako mutilek ere etxean jokatuko dute gaur, 12:00etan eta Mutrikuren aurka neurtu beharko dituzte indarrak. Ez da partidu erraza izango, Mutriku laugarrena baita sailkapenean; hala ere, Hernaniko mutilek dena emango dute, 3 puntuak etxean gelditu daitezen.
Mundarrok, bere aldetik, ez du etxean jokatuko. Touring taldearen aurka lehiatu beharko dira moreak gaur, arrratsaldeko 19:00etan, Fanderian. Partidu lehiatua izango da; Touring hamaikagarren postuan dago 23 punturekin, eta Mundarro juxtu atzetik, puntu bakarreko aldearekin.