Martxoaren 14tik 24ra izango da 23. Korrika, eta martxoaren 23an igaroko da Astigarragatik eta Hernanitik. Horregatik, Hernanialdeko AEKtik herrietako batzordeak sortzeari ekin diote: «Dei egiten diogu Korrikan pare hartu nahi duen orori batzordean parte hartuz lagundu dezan».
Astigarragan urtarrilaren 29an egingo dute bilera. Arratsaldeko 19:00etan jarri dute hitzordua, kultur etxe zaharreko areto nagusian. Hernaniko batzordea otsailaren 1ean osatuko dute; kasu honetan 18:00etan hasiko da bilera, AEK euskaltegiaren egoitzan.
Informazio gehiago nahi dutenek edo bertaratuko direla abisatu nahi dutenek honako kontaktuetara idatzi edo deitzeko aukera dute: korrikahernanialdean@gmailcom, 607 61 06 87 (Astigarraga) eta 607 59 28 64 (Hernani).