Ederki sufrituta, baina garaipena eskuratu zuen Mundarrok larunbatean. Azken laurdenean eskuratu zuten garaipena astigartarrek, LezoSKT taldearen aurka.
Oso berdindua izan zen partiduaren lehenengo zatia; atsedenaldi luzera 38-36 iritsi ziren. Hirugarren laurdenean errenta polita lortu zuen LezoSKTek, 15-23 partzialarekin, baina azken laurdenean erabaki zen norgehiagoka. Mundarro fin aritu zen erasoan eta defentsan, eta 23-9 partzialarekin garaipena lortu zuen. Azkenean, Mundarro 76-68 LezoSKT.
Mundarroko neskek ere garaipena eskuratu zuten, AZ Casa de la Riojaren kontra. Moreek ondo kontrolatu zuten partidua, eta 42-38 irabaztea lortu zuten.
Hernaniren kasuan, porrota jaso zuen bigarren mailako taldeak, jarraian lortutako bost garaipenen bolada etenda. 75-65 galdu zuen Elorri Aldapa liderraren etxean. Asteburu honetan derbia jokatuko dute, Mundarroren aurka.