Asteburu oparoa izan da Hernaniko eskubaloi taldeentzat. Etxetik kanpo jokatzea egokitu zitzaien mutil seniorrei, Egiako kiroldegian, eta 27-35 irabaztea lortu zuten. Lehenengo fasea amaitzeko bi partidu geratzen zaizkio taldeari, eta hirugarren postuan daude. Jardunaldi honetan Donibaneren kontra arituko dira, Hernaniko kiroldegian.
Jubeniletan, Hernaniko mutilek ere garaipena lortu zuten Hernanin, Aloñamendi taldeari 31-28 irabazita. Bigarren postuan dago oraintxe Hernani, eta Bidasoa liderraren aurka jokatuko dute lehenengo faseko azken jardunaldia.
Mundarroko neskek garaipena, etxean
Emakumezkoen jubenil mailan, hirugarren garaipena eskuratu zuen Mundarrok. 30-25 gailendu zen etxean, Elgoibarren kontra. Hala, sailkapeneko lehenengo postuan kokatu dira, jokatutako partidu guztiak irabazita.