Asteburuko partidurik garrantzitsuena jubenil mutilek jokatuko dute bihar eguerdian, 12:00etatik aurrera. Euskal Ligara sailkatzeko aukera haundiak dituzte hernaniarrek eta horretarako bihar irabaztea beharrezkoa da.
Aloña Mendi aurkari zuzenaren aurka lehiatuko dira eta bi puntuak oso garrantzitsuak dira. Irabaziz gero Gipuzkoako bigarren postua gertuago izango dute. Bidasoak lehenengo postua ziurtatu du eta bigarrena Saiekoren, Hernaniren eta Aloña Mendiren artean dago. Zaletuen animoak eta indarra eskertuko dute jokalariek.
Hernaniko mutil seniorrek gaur Egiaren Kataren aurka lehiatuko dira Egian bertan, 18:00etatik aurrera. Hirugarren postuan finkatuta daude hernaniarrak denboraldi bikaina osatuz.
Mundarroko neska jubenilek bihar Elgoibarren aurka neurtuko dira, 11:00etan, Astigarragako kiroldegian. 7-12garren postuen lehian bitik bi garaipen lortu dituzte astigartarrek. Hernaniko neskek atsedena dute 13-19 postuen lehian.