Hilabete luzez lanean aritu ostean, gaur arratsaldean helduko dira Meltxor, Gaspar eta Baltasar errege magoak bailarara. Baina ez da kabalgatarik izango Hernanin «eguraldia dela eta».
Udaletxeko arkupeetan, haurren gutunak jasoko dituzte, eta oparitxo bana ere emango diete hurbildutakoei. Arratsaldeko 18:00etan izango da hori.
Goizuetara 18:30etan helduko dira
Arratsaldeko 18:30etan bisitatuko dute Goizueta Meltxorrek, Gasparrek eta Baltasarrek, eta kale nagusietan zehar elkartuko dira herritarrekin. Guraso Elkarteak antolatu du topaketa, eta opariak jaso nahi dituzten herritarrek, Asinkon izango dute parada, 16:30etatik hasita 17:30ak arte. Herriko plazara hurbilduko dira betiko ohitura jarraituz, eta kale nagusiak zeharkatu eta gero, eguraldia aldeko bada, plazara joko dute. Txarra eginez gero, berriz, pilotalekuan izanen dira denontzat opariak banatzen.