Txorizo pintxoak jatea baino askoz ere gehiago da Santo Tomas eguna. Donostiako azokan bertan, barazkien eta fruituen lehiaketak egin zituzten inguruko ekoizleen artean. Hernaniar batzuk bertaratu ziren Donostiara, eta ez ziren eskuhutsik itzuli.
Hernaniko hiru ekoizlek lortu zituzten sariak. Fruituen lehiaketari dagokionez, Zabalo-Enea baserriko Maddi Iradi Peñagarikanok jaso zuen lehenengo saria; hirugarren saria, berriz, Arriatzu Baserriko Ane Zeberio Zubelzuk jaso zuen. Arriatzu Baserriak ez zuen fruitu lehiaketako saria bakarrik jaso. Jose Salaberria memorialeko saria ere Ane Zeberiok jaso zuen.
Horrez gain, Donostialdeko ezti lehiaketan lehenengo saria jaso duen Javi Devesa hernaniarrak.