Asteburu polita izan da Hernaniko Eskubaloi Taldeko kideentzat. Lehiaketari dagokionez, gizonezkoen senior mailako taldeak garaipen ederra lortu zuen, Saiekori 38-36 irabazita. Hala, garaipenen bidera itzuli da Hernani, eta hirugarren postuan egonkortu da. Gabonetako oporren ondoren itzuliko dira lehiaketara, lehenengo faseko azken hiru partiduak jokatzeko.
Horrez gain, omenaldi polita egin zioten klubeko kideek Ignacio Ociori. Bera Beraren eta Beti Onaren arteko partidua antolatu zuten kiroldegian, Ociok Hernaniko eskubaloiagatik egindako lana eskertzeko.
Mundarroko jubenilen kasuan, garaipena lortu zuten etxean Goierriren aurka jokatuta. 26-11 amaitu zen norgehiagoka.