Garaipenik gabeko asteburua izan da bailarako futbol taldeen artean. Igandean jokatu zuten Hernaniko Gizonezkoen Ohorezko Erregional mailako taldeak Deban, Amaikak bat taldearen aurka eta 1-1 berdindu zuen. Lau partidu jarraian irabaztetik zetozen hernaniarrak eta Amaikak-Batek berriz, bost jardunaldi zeramatzan irabazi gabe. Momentu honetan sailkapeneko 6.postuan dago etxeko taldea, irabazitako zazpi partidurekin, berdindutako laurekin eta galdutako hirurekin.
Garaipenik ez etxean Euskal ligako neskek eta Mundarrok
Aurkari gogorrari egin behar izan zioten aurre Euskal Ligako neskek larunbatean. Pauldarrak liderra jaso zuten Zubipen eta 1-3ko emaitzarekin amaitu zen partidua. Lehen gola etxeko taldeak sartu zuen 24. minutuan, baina hortik minutu gutxira, penalti eta kanporatze baten ondorioz, markagailua berdindu zuten debarrek eta hernaniarrak jokalari bat gutxiagorekin aritu ziren. Bigarren eta hirugarren golak partidu amaieran sartu zituen Pauldarrak, 84. eta 90. minutuetan
Mundarroren lehengo taldea ez da bere momentu onena bizitzen ari. Hiru jardunaldi zeramatzan partidurik irabazi gabe eta larunbatea 3-0 galdu zuen Zarkumendegin, Allerruren kontra.