Asteburu borobila izan da bailarako saskibaloiarentzat. Mundarroko eta Hernaniko talde nagusiek garaipen garrantzitsuak lortu dituzte. Honela, Mundarroko neskek Lasarten lortu zuten garaipena Ostadarren aurka (51-61). Aurkari zuzenen arteko partiduan, astigartarrak nagusi izan ziren. Maila berean, Gipuzkoako lehenengoan, mutil moreek Añorga garaitu zuten Benta Berrin, (52-56). Garaipen itzela, partidu bakarra galdua zuten añorgatarren aurka. Denei irabazteko gai direla erakutsi zuten astigartarrek.
Hernanik erraz gainditu zuen Eibar, kiroldegian
Partidu erosoagoa jokatu zuen Hernanik, kiroldegian. 79-15 nagusitu zen Eibar B taldearen aurka. Alde ikaragarria izan zen bi taldeen artean, Gipuzkoako Bigarren Mailako partiduan.