Asteburu honetan Hernaniko eta Mundarroko pelotariek 20 partidu inguru jokatuko dituzte maila eta txapelketa ezberdinetan. Baztango txapelketetan finalaurdenak izango dituzte bost pelotarik infantil eta jubenil mailetan.
Gaur, 16:00etan, Amaiurren, Hernaniko Unax Mendiable, Epleko Caballerrekin batera, Anuntzibal eta Antza astigartarraren aurka lehiatuko dira infantiletan. Bihar maila berean, Iruritan, 10:30etan, Ekhi Galdos eta Aieko Azpeitia bikote hernaniarra, Baztango Elorza-Arraztoaren aurka arituko dira. Azkenik, bihar 10:00etan, Elizondon Markel Urdangarin (Hernani) eta Lizarazu (Eple) jubenilek, Gaztelekuko Bidezabal eta Segurola izango dituzte aurrez aurre.