Musikarien egunaren bueltan antolatutako kontzertuek jarraipena izango dute asteburu honetan. Zehazki, hiru emanaldirekin gozatzeko aukera izango dute Hernaniko eta Astigarragako herritarrek, eta horiekin borobilduta geratuko da Santa Zeziliako ospakizuna.
Gaur bertan eskainiko dute kontzertua Hernaniko Txistulariek, Elena Setien abeslariarekin batera. Biteri Kultur Etxeko areto nagusian izango da emanaldia, eta gonbidatu ugari igoko dira Biteriko oholtzara; Onintza Albeniz hernaniarra, besteak beste. Kantu gehienak Setienek sortutakoak dira, baina kanta herrikoiak ere tartekatuko dituzte. Arratsaldeko 19:00etan hasiko da kontzertua, eta berezia izango dela iragarri dute antolatzaileek.
Bihar Kantuz abesbatzak hartuko du txistularien lekukoa. Udaletxeko Areto Nagusi berrituan izango da kontzertua, arratsaldeko 19:30etan. Kontzertu erakargarria prestatu dute abesbatzako kideek, 'Signum' abestiarekin hasi eta 'Mutil txaleko gorri' piezarekin amaituta. Tartean 'Aitormena' bezalako abesti ezagunak ere kantatuko dituzte.
Astigarragako txistulariek girotuko dute igandea
Goizeko 10:00etan hasita, kalez kaleko kontzertua eskainiko dute igandean Astigarragako Txirriskla elkarteko txistulariek. Herriko plaza esanguratsuetan geldialdiak egingo dituzte; 10:00etan Santiagomendiko Plazaetxeren aurrean izango dira, 12:00etan Andre Gobadarien parkean eta 13:00etan Kontxa Etxeberria plazan.
HERNANIKO TXISTULARIAK
GAUR, 19:00. Biterin.
KANTUTEGIA:
Itsasoa laino dago
Far from The Madding Crows
I Forget about you
Elizatikan konbenturaino
Dreaming of early things
Ur Bi
Down the Meadow
Goddesses
Ametsetarik
Dama Zuria
She was so fair
KANTUZ ABESBATZA
BIHAR, 19:30. Udaletxean.
KANTUTEGIA:
Signum
Agur Jaunak
Argizari ederra
Ez da filosoforik
Ai, Anjela!
Oihaneko zuhainetan
Atxia motxia
Con amores
Aquellas pequeñas cosas
Te recuerdo Amanda
Hawai'i Aloha
Aitormena
Amerri laztana
Mutil txalleko gorri