Gipuzkoako Binakako Txapelketako finala, paleta gomaz, bi talde hernaniarrek jokatuko dute. Galdos eta Otxoa zuzenean sailkatu ziren finalera lehenengo fasean agindu eta gero. Bigarren finalista pasa den asteburuan ezagutu da. Eizmendi eta Macicior hernaniarrek Ataunen aurka jokatu zuten Hernaniko kiroldegian, larunbatean, eta Hernani 1 30-24 gailendu zen Ataungo bikotearen aurka. Honela, finala Hernani 1 eta Hernani 2 taldeek jokatuko dute.
Mutiletan, Ramos eta Zubiarrainek galdu
Mutiletan jaitsiera faseko lehenengo jardunaldian Mundarroko Ramos eta Zubiarrainek 13-25 galdu zuten Altzatarrako Elejalde eta San Miguelen aurka.