Martxa ederra hartuta, garaipenak pilatzen jarraitzen du Hernaniko Eskubaloi Elkarteko seniorren taldeak. Etxetik kanpo ere sendotasuna dutela erakusten ari dira jokalariak, eta larunbatean 29-34 irabazi zioten Donibaneri. Sei partidu jokatuta, bost garaipen eta porrot bat jaso ditu Hernanik, eta sailkapeneko hirugarren postuan finkatu da taldea. Asteburu honetan erronka haundia izango du, Pulpo liderraren aurka jokatuko baitute etxean.
Jubenilen kasuan, Zuri Zuri taldeari gutxigatik irabaztea lortu zuen Mundarrok; 24-23 amaitu zen partidua. Hernaniko taldeetan emaitza onak eta txarrak izan dira; emakumezkoen taldeak 11-15 irabazi zuen Ereintzaren aurka; gizonezkoen taldeak, berriz, 28-38 galdu zuen etxean, Saiekoren kontra.