Asteburu konplikatua daukate Hernaniko mutil seniorrek, Gipuzkoako bigarren mailan. Izan ere, atzo iluntzean jokatu behar izan zuten, Txingudiren kontra etxean, aurreko astetik atzeratutako partidua. Eta atsedenerako tarte txikiarekin, gaur jokatuko dute beste partidu bat: Donostian ariko dira, 19:00etan La Salle kiroldegian, Saiekoren kontra. Hernaniarrek ahalik eta ondoen egin beharko diote aurre nekeari.
Jubenil mailako taldeei dagokienean, Bergaran ariko da Hernani nesketan, gaur eguerdiko 13:00etan hasita. Bergara izango du kontrario, Labegaraieta kiroldegian. Mundarrok atzo arratsaldean jokatu zuen bere partidua, etxean, Eibarren kontra. Mutiletan, berriz, gaur jokatuko du Hernanik etxean, 18:30etan kiroldegian, Elgoibarren kontra.