Egungo egoerarekin nazkatuta, txintxetak eta iltzeak jaurtitzearen aurkako martxa zikloturista antolatu dute Urumea bailara inguruko zenbait taldek; Hernaniko Zikuñako Ama taldea tarteko.
Azken boladan zulatu asko izaten ari dira Hernani eta Goizueta batzen dituen bidean, Ereñotzutik Aranoko bidegurutzera joateko zatian, batik bat. Horrek duen arriskua ikusarazteko eta iltzeak jaurtitzen ari direnen jokabidea salatzeko, errepide hori hartuko dute zikloturistek hurrengo igandeko martxan.
Irteera goizeko 08:45etan izango da Karabeletik, eta Goizuetara abiatuko dira.