Igandean Baterajotzearen azken eguna izan zuten Usurbilen eta bertan izan ziren bailarako hainbat eta hainbat neska. Hiru egunez aktiboki hartu dute parte. Azken egunean herriko frontoian Emakume Artisauen Azoka ederra antolatu zuten, beste neska gazte musikariek eszenatokitik girotuta. Bazkalostean, hiru egunetako balorazioa eta ondorioak partekatu zituzten eta amaierako ekitaldi hunkigarriarekin eman zioten itxiera asteburu polit eta potenteari. Antolakuntzatik eskerrak eman nahi dituzte, «mila esker bihotzez Baterajotzera hurbildu zareten neska guztioi, asteburu honetan sortutakoa hausnartzeko eta berrindartzeko balio izan digu guztioi. Gora borroka feminista!».