Igandean jokatu zen Aiako probalekuan, emakumezkoen Gipuzkoako Aizkolari Txapelketa, lehenengo mailan. Lau aizkolari aritu ziren lehian, eta horietatik bi izan ziren Urumea bailarakoak: Malen Barrenetxea hernaniarra eta Ane Zapirain astigartarra. Nerea Arrutiren eta Oihana Fdez de Barrenaren aurka neurtu zituzten indarrak bailarako aizkolariek. Txapela eraman zuen etxera Nerea Arruti urnietarrak, lanak 14:07ko denboran amaitua; bigarren postuan gelditu zen Oihana Fdez De Barrena 19:17ko denborarekin; Ane Zapirain astigartarrak lortu zuten hirugarren postua, lanak 20:00ko denboran amaituta; eta Malen Barrenetxea hernaniarra gelditu zen laugarren. 24:07 denborarekin .
Harri Txikien Gipuzkoako Txapelketa
Aizkolarien probaz gain, Harri Txikien Gipuzkoako Txapelketa ere jokatu zen, ondorengo harrijasotzaileekin: Olaia Esnaola, Maddi Gesalaga, Lierni Osa, Aroa Sanchez, Ane Zinkunegi eta Ainitze Zumeta.
Txapelketako irabazlea izan zen Ainitze Zumeta; bigarren egin zuen Lierni Osak; eta hirugarren postua Olaia Esnaolarentzat izan zen. Laugarren egin zuen Maddi Guesalak; Ane Zinkunegik bosgarren; eta seigarren postuan amaitu zuen, Aroa Sanchezek.