Gaur jokatuko da, Aiako probalekuan, emakumezkoen Gipuzkoako Aizkolari Txapelketa, lehenengo mailan. Lau aizkolari ariko dira lehian, eta Urumea bailarakoak izango dira horietatik bi: Malen Barrenetxea hernaniarra eta Ane Zapirain astigartarra. Eguerdiko 12:00etan hasiko da proba, eta Nerea Arruti eta Oihana Fernandez de Barrena izango dituzte lehiakide.
Aizkolarien probaz gain, Harri Txikien Gipuzkoako Txapelketa ere izango da jokoan, zazpi harrijasotzailerekin: Lur Errekondo, Olaia Esnaola, Maddi Gesalaga, Lierni Osa, Aroa Sanchez, Ane Zinkunegi eta Ainitze Zumeta.