Aurreko astean, saskibaloian, lehenengo jardunaldia jokatu zuten mutil seniorrek eta juniorrek eta asteburu honetan berriz nesken txanda izango da. Denboraldi ofiziala hasiko dute eta Mundaroko nesken lehendabiziko partidua gaur, 18:00etan, jokatuko da Astigarragako kiroldegian Goizperren aurka Gipuzkoako lehenengo mailan.
Maila berean ari dira Mundarroko mutilak eta gaur bigarren partidua Altzan izango dute, 18:00etan Loyola 21 Hoopsen kontra.
Hernanik lehendabizikoa gaur etxean, Zarautzen kontra
Bigarren mailako taldeei dagokienez Hernani kiroldegian estreinatuko da, gaur 16:00etan, Zarautzen aurka. Lehendabiziko partidua kanpoan irabazi eta gero heldutako bide onari jarraipena eman nahi diote hernaniarrek. Mundarro B-k atzo jokatu zuen Eibar B-ren aurka.