Datorren larunbatean ospatuko dute Hernaniko Pilota Eguna. Bigarren edizioa izango da aurtengoa, eta Hernaniren eta Goizuetaren arteko desafioa osatuko dute «pelota taldea eta pelotariak herritarren aurrean ezagutzera eman eta kirol honen bueltan gozatu ahal izateko».
Hiru zatitan banatuko da aurtengo Pelota Eguna: eguerdiko 12:30etan, klubeko pelotarien aurkezpena egingo dute Tilosetan; ondoren, 14:30etan, bazkaria izango da Atsegindegin; eta azkenik, 20:00etan, bertso-pelota desafioa Tilosetan.
Pelotariei dagokienez, nesketan Esnal eta Zabala (Hernani) arituko dira Legarretaren eta Sagarduiren (Goizueta). Mutiletan, berriz, Apaolaza-Labaka (Hernani) bikoteak, Apezetxea-Apezetxea (Goizueta) bikotearen kontra jokatuko du. Bertsotan Maialen Lujanbio izango da hernaniarren taldekidea, eta Aitor Mendiluze goizuetarrena.
Bazkarirako txartelak eskuragarri daude oraindik, 15 euroan, 650 506 436 telefonoan.
Era berean, CD Hernaniko pelota sailak eskerrak eman nahi izan dizkie ekitaldi honetan eta urtean zehar laguntza ematen duten guztiei.