Gipuzkoan lasterketak bertan behera geratu ziren aurreko astean, baina Iruki-Donostialdea Bizikletan taldeko zazpi txirrindulari kadetek parte hartu zuten Aragoi Behereko Itzulia nazioarteko proban. Abuztuaren 4tik 8ra bitartean Jaime Abalos, Beñat Igarategi, Unai Iturrate eta Hugo Rayo donostiarrek, Beñat Auzmendi eta Aimar Capdequi astigartarrek eta Unax Otegi hernaniarrak parte hartu zuten. Emaitza nabarmengarririk lortu ez bazuten ere, gustura geratu ziren bizi izandako esperientziarekin eta ikasitako guztiarekin.