2023ko lehenengo seihilekoa itxi berri du Iberpapelek, eta denbora tarte honetan lortutako datuak argitaratu ditu. Guztira, 10,72 milioi euroko irabaziak izan ditu; aurreko urteko lehenengo seihilekoarekin konparatuta %42,16ko igoera, alegia. Igoera datuez gain, azaldu dute egoera ez dela nahi bezain erraza izan: «Europan eskaria moteldu egin da eta Asiako herrialdeetatik inportazioak gehitu egin dira, paper-salmentak gutxituz».
Iberpapelen onuraren zergatia Ebitda-ren hobekuntza izan da. %31,64 hobetu dute zifra, iaz baino 5 milioi inguru gehiagorekin: «Igoera horren arrazoia kostu aldakorren murrizketa izan da, batez ere energiarena eta lehengai batzuena, nahiz eta oraindik ere krisi energetikoaren aurreko mailen gainetik jarraitzen duten».