Donostiako Klasikoa jokatuko dute bihar, eta Hernanitik eta Astigarragatik pasako dira txirrindulariak. Latsunbe kale osoa zeharkatuko dute, Zinkoeneara heldu arte, eta jarraian Karabeletik Martindegira joango dira, Astigarragako bidea hartzeko. Lasterketa eguerdiko 13:45ak aldera helduko omen da Hernanira; horregatik, 13:15etan, zeharkatuko duten ibilbidea moztu egingo dute lasterketa pasa arte.
Trafikoan, aldaketak
Hernaniko Udaltzaingoak trafikoak izango dituen aldaketen berri eman du eta ondorengoan izan dira emandako argibideak: «Latsunbe kalearen hasiera, Sorgintxulotik hasita ibilgailurik gabe mantenduko da lehenengo zatian. Elkano eta Zinkoenea arteko kale zatiko aparkalekuak libre utziko dituzte lasterketa pasa ahal izateko. Eta lasterketa bezperarako aipatutako aldaketak burututa egon beharko dute».