Bi egun eder daramazkite Martindegin, San Fermin jaiekin. Jendetza bertaratu da auzora, bereziki arratsaldeetan, herri kirolek, sagardo dastaketak, apar festak edota Laiotzen dantzaldiak erakarrita, besteak beste.
Eta gaurkoa, festen azkeneko eguna izanagatik ere, ez da makalagoa izango. Are gehiago, onena azkenerako gorde dutela ere esan liteke, San Ferminak indartsu bukatzeko. Puntako euskal festa izango da eguerdian, aizkolari eta harrijasotzaileekin, eta Amets Arzallus eta Julio Soto bertsolariek girotuta. Haiei biei batuko zaie Miren Amuriza arratsaldean, trikitixa jaialdiaren ondoren. Eta ohi bezala, kalejirarekin emango diete bukaera jaiei.
SAN FERMINETAN GAUR
Goizean goiz, Diana, Astigarragako Txirrisklako txistulariekin.
12:30, Euskal festa. Aizkolariak: Jokin Urretabizkaia 'Basozabal', Suharri Rodriguez 'Paolla', Xabier Zaldua eta Hodei Ezpeleta 'Bihurri'. Harrijasotzailea: Jon Unanue 'Goenatxo III'.
13:00, Bertsolarien saioa: Amets Arzallus eta Julio Soto.
17:00, I. Martindegiko Trikitixa Jaialdia: Eider eta Lierni Tolosa; Enaitz Alberdi eta Oibar Olano; Ianire Segurola eta Elaia Diaz; Hodei Insausti eta Garazi Lopetegi; Eider Garro eta Araitz Elizalde; Mikel Lertxundi, Liher Yarza, Xuban Ugalde, Aner Elgarresta, Ander Lertxundi eta Ekhi Barrenetxea.
Jarraian, Bertsolarien bigarren saioa: Amets Arzallus, Julio Soto eta Miren Amuriza.
18:00, Toka txapelketa nagusia (Gurutzeta Sukaldeak).
18:00, Puzgarriak.
20:00, Erromeria, Eider Tolosa, Lierni Tolosa eta Elaia Diazekin.
Ondoren, Kalejira auzoan zehar, festei amaiera emateko.