Tasio Senperena txirrindulari junior astigartarra maila onean aritu da Gipuzkoako Itzulian. Senperenak 48. postuan amaitu du itzulia eta aipagarria izan zen aitzin-etapako erlojupeko laburrean lortu zuen meritu haundiko zortzigarren postua.
Gainera, Itzuliko bigarren etapan, Andoainen Iruki-Donostialdea Bizikletan taldeko Aimar Alarcia taldekidearen mesedetan egin zuen lana. Hamabost laguneko ihesaldian lan haundia egin zuen ihesaldiari bizirik eusteko. Azken kilometroetan, Xoxokan gora, hiru laguneko taldea osatu zen, eta Andoaingo kaleetan Alarcia izan zen hirukote horretan indartsuena.
Aimar Capdequi eta Unax Otegi, onenekin Txuman
Iruki txirrindulari taldeko kadeteek, berriz, Txuma Memoriala lehiatu zuten hiru egunez, Berangoko (Bizkaia) Elkar Kirolak elkartea antolatua. Aimar Capdequi astigartarra 18garren izan da sailkapen orokorrean, irabazlearengandik 03:59ra eta Unax Otegi hernaniarrak 29garren amaitu zuen.