Astigarragak eta Hernanik galdu egin zuten Herriartekoaren finalerdietako joanekoan. Hernanik pasa den ostiralean 3-0 galdu zuen Mutrikun eta finalera pasatzea oso zaila izango du. Astigarragak, aldiz, aukera guztiak mantentzen ditu nahiz eta 2-1 galdu igandean, Donostiaren aurka.
Astigarragak aukerak baditu finalera sailkatzeko, baina horretarako 2-1eko emaitza eta sei tantoko aldeari buelta eman beharko diote astigartarrek. Igandean, Luluagak 20-7 galdu zuen banaka Aroztegiren aurka. Binaka Txoperena eta Zubiarrainek 20-19 galdu zuten, Huegun-Ubedaren aurka, eta zazpi t'erdi barruan Urdangarinek 12-20 lortu zuen garaipena, Elejalderen kontra. 2-1 irabaziz gero aukera haundiak dituzte sailkatzeko. Txomiñenen izango da itzulerakoa.
Hernanik finalerako aukera ia denak galdu zituen, ostiralean Mutrikun, 3-0 galdu eta gero. Banaka Arandiak 20-4 galdu zuen Elezgarairen kontra. Binaka, Beloki eta Zurutuzak 20-13 galdu zuten eta zazpi t'erdian Agirrek ere emaitza berdinarekin galdu zuen, 20-13. Itzulerakoa Hernanin izango da.