Taldekako erlojupekoen Gipuzkoako Txapelketa jokatu zen aurreko asteburuan, Legorretan; eta junior mailakoan, txapeldun izan zen Iruki-Donostialdea Bizikletan taldea, 58 segunduren aldearekin. Garaipena lortu zuen boskoteko kide izan zen Tasio Semperena astigartarra, Aimar Alarcia, Unax Betelu, Mattin Basurto eta Beñat Ilzarbe donostiarrekin batera; eta bi hernaniar aritu ziren zuzendari lanetan, Hegoi Urretabizkaia eta Ekhi Muñoz.