Hernanin eta Astigarragan Foru Aldundirako botoetan ere EH Bildu erraz nagusitu da

Kronika - Erredakzioa 2023ko mai. 29a, 11:07

Hernanin 4.393 boto lortu ditu Maddalen Iriartek eta 1.488 Astigarragan, garaipen argia lortuz. Aldundirako ere EAJ-PNV izan da bigarren alderdi bozkatuena, PSE-EE hirugarrena eta Elkarrekin Podemos laugarrena. 

Gipuzkoarrek alkate ez ezik, Gipuzkoako Foru Aldundirako ordezkariak aukeratu zituzten atzoko hauteskundeetan. Hemen ere EH Bildu izan da irabazle, EAJ bigarren, PSE-EE hirugarren eta Elkarrekin Podemos laugarren. 

Maddalen Iriartek gidatzen duen alderdiak 4.393 boto lortu ditu Hernanin, botoen %48,77 lortuta. Udalarekin alderatuta, hemen 4.265  lortu ditu eta %47,51. EAJk, Eider Mendozak gidatuta, 2.225 boto lortu ditu, Udalerako 2.264. PSE-EE izan da hirugarren 1.103 botorekin, 1.070 Udalerako. Elkarrekin Podemosek 800, 947 Udalerako. 

Astigarragan honakoak izan dira emaitzak: EH Bilduk 1.488 boto, 1.703 Udalerako; EAJk 1.051, 986 Udalerako; PSE-EEk 290, 274 Udalerako,; Podemosek 219, 274 Udalerako. 

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!