Biharko hauteskundeetan Gipuzkoako Foru Aldundiko eta Nafarroako Parlamentuko ordezkariak hautatu ahal izango dira. Inkesten eta aurreikuspenen arabera, emaitza estuak espero dira bi zenbaketetan.
Gipuzkoako Foru Aldundiaren kasuan, bost hautagaitza aurkeztu dira aurtengo hauteskundeetara. Aurpegi berriak izango dira gehienak, PSE-EEren hautagaia, Jose Ignacio Asensio, baita egun Aldundian dagoen bakarra. EAJ-PNVren hautagaia Eider Mendoza izango da, Markel Olanoren lekukoa hartzeko esperantzarekin. Lehia estua espero da, ordea, EAJ-PNVren eta EH Bilduren artean; Maddalen Iriarte da koalizioaren zerrendaburua. Elkarrekin Podemosen hautagaia Miren Echeveste irundarra da, eta PPrena Mikel Lezama donostiarra.
Nafarroako Parlamentuko hauteskundeetarako bikoitza da hautagai kopurua. Hamar alderdik osatu dute zerrenda. Berezitasunen artean, UPN, Ciudadanos eta PP bereizita aurkeztuko dira aurten, Navarra Suma koalizioa deuseztatuta.