Goizeko 02:00etatik 04:00etara bitartean euri mordoa egin du Aranon eta Goiuzetan, eta eragin kaltegarriak izan ditu Urumea bailaran. Hernani-Goizueta errepidea itxita dago euriteek eragindako lur-jausiak direla eta. Beraz, Goizuetara joateko modu bakarra Leitzatik barrena da.
Goizutrail lasterketako antolatzaileek aditzera eman dute egoeraren ondorioz ordutegia eta ibilbidea aldatuko direla: lasterketa 10:00etan hasiko da, eta ibilbide motza eginen dute, luzea bertan behera gelditzen baita. Hala ere, luzea hautatu zutenek bigarren buelta bat emanen diote ibilbide motzari.
Aranoko urak, behera
Aranoko euriteek, bailara osoan izan dute eragina, izan ere, ibaitik ura atera da Hernanin (Zubipe, Landare), Astigarragan (ibai parkean) eta Ereñotzun.
Ereñotzuko errepidea ere itxi egin du Ertzaintzak, Fagollagatik aurrera.