Lizarran eta Zestoan aritu ziren, aurreko asteburuan, bailarako txirrindulariak, mutil kadeteetan; eta aurreneko postuetan sailkatu ziren Unax Otegi hernaniarra eta Aimar Capdequi astigartarra, bietan. Lizarrako Si Hablaran Sarian, zazpigarren sailkatu zen Capdequi, eta tarteko helmugen sailkapena irabazi zuen: «Kokapen onari esker irabazi ditut tarteko helmugak; hain juxtu, azkeneko esprintean falta izan zaidana», adierazi zuen astigartarrak. Otegi, berriz, 18garren izan zen Lizarran.
Eta hurrengo egunean, Zestoako Gurutzeaga Sarian, zortzigarren izan zen Otegi, eta 13garren Capdequi.