Partidu garrantzitsuak zeuzkaten jokoan bailarako pelotariek, joan den asteburuan, modalitate eta txapelketa ezberdinetan. Eta txapel bat jantzi eta bost finaletarako txartela lortu arren, gazi-gozoak izan dira emaitzak, porrot mingarriak ere izan baitira tartean. GRABNI torneoan, esaterako, palaz jokatutako bi semifinalak irabazi dituzte CD Hernaniko pelotariek, nagusietan. Ezker horman, Amaia Irazustabarrenak 30-13 irabazi zuen semifinala, Maider Mendizabalekin batera, Arabako bikotearen kontra. Eta trinketean, 30-25 nagusitu zen Miren Goikoetxea, Leire Galdosekin batera, Ardanaz eta Murillo nafarren kontra.
Eskuzko lehian, aldiz, jokatutako hiru semifinaletatik bakarra irabazi dute bailarakoek. Ezker horman, nagusien mailakoa galdu zuen Markel Lizeaga hernaniarrak, Beñat Senarrekin batera, Gutierrez eta Altuzarra errioxarren kontra (17-22). Ekain Lizeaga astigartarrak, berriz, 22 urtez azpikoena irabazi zuen, Unai Amianorekin, De La Fuente eta Azpiroz nafarren kontra (22-12). Eta trinketean, azkenik, Unax Manterola hernaniarrak buruz buruko semifinala galdu zuen jubeniletan, Sagardia nafarraren kontra (33-35).
Lorpen bikoitza asteburu berean, Egoitz Elizegik
GRABNItik kanpo, Egoitz Elizegi izan da protagonista. Izan ere, Baztango Udaberriko Txapelketa irabazi zuen goizuetarrak igandean, Oier Zabaleta oiartzuarrarekin batera, Mikel Leoneten eta Aitz Aranbururen kontra (22-20). Gainera, bi egun lehenago, Mendialdeko Txapelketaren finalera sailkatu zen Elizegi, Gaztelekuko Cestaurekin batera, gazte mailan. Semifinalean, Oihan Legarreta aranoarra eta Larraungo Navarro menderatu zituzten (22-7).
Beste bi goizuetar ere izan dira Mendialdeko semifinaletan. Nagusien mailakoa jokatu zuen Beñat Apezetxeak, eta 22-13 irabazi zuen, Pagazpeko Urruzolarekin, Larraungo Astizen eta Buruzgaineko Garañoren kontra. Eta kadeteetan, finalera sailkatzeko aukerarik ez zuen izan Anartz Lujanbiok, Larraungo Olletarekin batera, talde bereko Lasoren eta Otamendiren kontra (4-22). Datorren igandean jokatuko dira final guztiak, Leitzan, 16:00etan.
CD Hernaniko esku pelotarien emaitzen taula:
TXAPELKETA OFIZIALAK:
ALEBINAK |
Soraluze 8 Lanzeta - Oiaga 16 |
Ilunpe 16 Galdos – Zabala 14 |
Iglesias - Madina 10 Bergara 16 |
INFANTILAK |
Murumendi 9 Imanol Ormazabal 18 |
Ekhi Oses 18 Ilunpe 5 |
KADETEAK |
Tolosa 22 Martin Alberdi 2 |
Tolosa 4 Joseba Arretxe 22 |
JUBENILAK |
Julen Deskarga 22 Zazpi Iturri 6 |
Ilunpe 4 Unax Manterola 22 |
Oiarpe 22 Unax Arabaolaza 12 |
Oiarpe 22 Xuban Iturbe 7 |
Intza 22 Ohian Legarreta 11 |
Intza 9 Oier Alegria 22 |
Xabier Apaolaza 22 Lapke 4 |
Xabier Salaberria 22 Tolosa 7 |
Jon Jara 22 Tolosa 8 |
Josu Altuna 22 Alde Zaharra 11 |
Lapke 22 Iñigo Labaka 16 |
Lapke 13 Paul Ojuel 22 |
|
GRABNI TORNEOA: |
Unax Manterola 33 Nafarroa 35 |
Senar – Markel Lizeaga 17 Errioxa 22 |
|
TXAPELKETA PRIBATUAK: |
Xabier Salaberria – Aranburu 16 Bergara 22 |
Navarro – Ohian Legarreta 7 Cestau – Elizegi 22 |
Hegoi Zabala 16 Aieko Azpeitia 9 |
Oier Arsuaga 18 Aratz Labaka 4 |
Manex Alberdi 18 Oinatz Gaskon 6 |