Esnatu. Kafe beroan hurrup egin. Etxetik atera. Lanera heldu. Lanetik atera. Kirol apurra egin. Lagunekin poteren bat
hartu. Etxeratu. Afaldu. Oheratu. Eta zu, Kronika eskuetan irakurtzen ari zaren hori, ziurrenik antzerako rutinatxoan zabiltza, guztion antzera, bizitzaren balantzan.
Zalantzek ere badute tokia gure bizitzetan, etikoenetatik arruntenetaraino, xumeetaraino. Noizean behin agertzen
direnak, edo azkura eragin eta orban bihurtzera arte hazkatzen ditugunak. Zalantzek bizi dugun errealitate poliedriko
honetan begirada desberdin paratzen laguntzen digute, kritikotasuna eskaintzen digute. Eta zalantzen balantza honek pausoak ematera behartzen gaitu. Iturolako kideon aldetik, noski, justizia soziala oinarri izango duen jendarte justu bateranzko
pausoak ematen, beti.
Azken aldian, mezu bat ari da zabaltzen bakoitzarena den izatearen aurka jotzen ari dena. Parekidetasunaren izenean norbera ukatzen duena. Eskoletan ikuspegi feminista sustatzen dihardugun elkarte eta kooperatiboon helburu askatzaileak zalantzan jarri baino erasan egiten dituena. Diskurtso erabat atzerakoiei leku egiten diena. Eta zalantzaren izenean jendartea babestea helburu dutela diote.
Zalantza osasuntsua da, noski, baina ez gaitezen nahas. Zalantza osasuntsua da, betiere, ez bada pertsonon izatearen aurkakoa. Kasu horretan, indarkeria baita.
Egoitz A. Albeniz eta Ibai Fresnedo
Hiruki Larroxa Kooperatibas
Hernaniko Elkarlan Sorgunea
Iturola.eus
Florida Auzoa,28 - 20120 Hernani
Talleres Mitxelenak babestutako atala
Eziago Poligonoa, 21
Zikuñaga Auzoa, Hernani
www.talleresmitxelena.eus