Mendi lasterketen Euskadiko Txapelketa jokatu zuten larunbatean, Mendaron, Kilimon Trail lasterketan. 23 kilometroko distantziarekin, sekulako maila izan zuen probak, eta bertan izan ziren bailarako hainbat korrikalari. Primeran aritu ziren, gainera.
Ander Amonarriz hernaniarra izan zen haien artean aurrenekoa, 27garren, 2:09:58 denborarekin. Segidan helmugaratu zen Hodei Lujanbio goizuetarra, 29garren (2:10:09). Eta oso gertu bailarako beste bi: Jon Ander Olazabal hernaniarra 39garren (2:13:04) eta Xabat Pagola ereñotzuarra 49garren (2:18:36). Aurreneko 100etan sartu zen bailarako bosgarren ordezkaria ere, Ivan Sorondo hernaniarra, 99garren (2:38:45).
23 kilometrokoaz gain, lasterketa laburragoa ere izan zen Mendaron, 11 kilometrokoa; eta Xabat Alonso hernaniarrak hartu zuen parte. Aurreneko postuetan iritsi zen helmugara, gainera: 13garren izan zen, 57:59 denborarekin.