Ezkon bidaia ezkontzaren azken puntua da, bikote batentzat kapitulu berri bat irekitzen duen esperientzia baten ondorioa. Ezkongaien bidaia ongi antolatua oroitzapen ahaztezina da ezkonberrien buruan. Bost kontinenteek aukera ugari eskaintzen dizkiete eztei-bidaia gogoangarria bilatzen duten bidaiariei.
Agian, eztei-bidaia une ezin hobea da agentzia espezializatu bati laguntza eskatzeko. Bidaia hau ezkontzako nekearen ondoren dator, eta ezkon berriak ez du ezer gaizki ateratzea nahi. Agentzia batean, bidaia diseinatzeaz gain, ustekaberik egon ez dadin eta helmugan edozein gorabehera konpon dezazun beharrezkoak diren aseguru guztiak emango dizkizute. 2023ko helmuga berezienekin asmatzeko, Hernani Bidaiak agentzia adituari kontsulta egin diegu ezinbesteko xehetasun guztiei buruz. Adituek 10 egunetik lau astera bitarteko epeaz hitz egiten dute. «Normalean 15 egun dira, baina helmuga gehiago konbinatuz gero edo Ozeania bezala urrun badaude, egun gehiago gomendatzen dira». Beraz, bi edo hiru aste dira ohikoenak.
Bikotearen araberako ezkon bidaia
Ezkontzeak ez du esan nahi bikoteak gauza guztietan berdin pentsatuko duenik. Baina garrantzitsua da bikoteka erabakitzea zer bidaia mota egin nahi den. Naturara bidaia bat, eztei-bidaia bat, eguna hotel on bateko etzalekuan igarotzeko edo bidaia kultural bat aukeratu dezakezue. Edo aukera horietako batzuk konbinatu, ados jartzen ez bazarete. Astebete edo hamar egun ibilbide aktibo edo kultural bati eskaintzea eta hondartzan erabateko atseden-egun batzuekin amaitzea ere aukeratu daiteke. «Konbinatzea oso ohikoa izaten da», diote Hernani Bidaiak agentziatik.
Bidaia sei hilabete lehenago antolatzea gomendatzen da, baina zenbat eta lehenago, orduan eta hobeto. Helmuga asko nazioartean eskatzen dira, eta normalean amerikarrek eta eskandinaviarrek urtebeteko aurrerapenarekin egiten dituzte erreserbak; beraz, hotel eta logela onenak bermatu nahi baditugu, hobe. Gainera, erreserba horiek ez dute kosturik izaten, eta, beraz, aurrea hartzeak abantailak baino ez ditu.
Ezkontzaren hilabetearen arabera, leku batzuk beste batzuk baino egokiagoak dira baldintza klimatologikoengatik. Agerikoena nahi den lekua dagoen hemisferioa da. Kontuan izan udan ezkontzen bazara, Argentina, Uruguai edo Txile bezalako herrialde batzuk neguan daudela eta ezin izango duzula Patagonia bezalako lekuetara bidaiatu. Eta beste batzuetan, bidaia klima hotzagoarekin egingo duzu, Hegoafrika, Zeelanda Berria edo Australia bezala.
Aurrekontua kontutan hartu behar da
Ezkongaien bidaia ere aurrekontu jakin bati lotuta dago. Ezin da beti Australia eta Polinesia konbinatu bost izarreko hoteletan. Onena aurrekontu bat gasta dezakezuna baino pixka bat beherago ixtea da. Horrela lasai joango dira ezkon berriak eta agian izango ez dituzten gastuei aurre egin ahal izango diete (bisak, tokiko tasak, sarrerak, txangoak). Hernani Bidaiak agentziak dioenez aurrekontua erabili daiteke modu ezberdinean.
Bidaiak ez du zertan urrutira izan behar. Europan bertan ere ezkon bidai ederrak egin daitezke. Hernani Bidaiak agentziak denetarik prestatzen du. «Bidaia baldintzatua egoten da egunen eta aurrekontuaren arabera. Aukera asko daude. Hotel kapritxosoago bat aukeratu daiteke gertuago, Kanariar Uharteetan edo Mediterraneoan esaterako, edo urrutiago joan daiteke eguzki bila, Karibera esaterako. Bidai konbinatu asko egiten dira eta egia esan gehienetan hondartzak bidaiaren amaieran aukeratzen dira. Bidai berezia egin nahi izaten da, baina aurrekontua ez da iristen eta hotela lehenesten da. Guk aurrekontu zabal ezberdinentzako prestatzen ditugu ezkon-bidaiak».
Eguraldia ere ikusi behar izaten omen da. «Hego-hemisferioan negua izan daiteke, euri garaia ere kontutan hartu behar dira Asian Monzoiekin eta Kariben urakanekin. Hala ere, eguraldia oso aldakorra da eta jendea joan egiten da euri garaia izanda ere. Oporrak-oporrak dira».
Helmugarik onenak urrutira joan nahi izanez gero eta urtaroak
Normalean Espainian ezkontzak maiatzetik urrira bitartean izaten dira, eta hilabete horietarako oso helmuga onak daude esperientzia zoragarri bat izateko: «bidai berezi hori Asia izaten da normalean. Asko eskatzen da eta Amerika ere bai. Vietnam hondartzekin, Maldivas ere erakargarria da eta behe-denboraldia aprobetxatu ezkontzako ajetik atseden hartzeko. Aproposa baita bikotean joateko. Alojamentu eta paisai aldetik oso berezia da. Tailandia eta Indonesia ere asko eskatzen dira. Indonesiako Flores itsasoko ur kristalinoetatik gurutzaldi batez gozatzea ederra da».
Amerikan asko eskatzen omen da New York. «Konbinatu egiten da hiria, Rivera Mayarekin edo Dominikar Errepublikako Punta Canako hondartzekin. zeharo ezberdina dena, baina asko eskatzen den beste bidaia Costa Rica da azkenaldian. Mugituagoa eta berezia da. Natura ikaragarria da biodibertsititate aldetik, animaliak, baso bereziak eta aktibitate ezberdinak egin daitezke abentura moduan. Hondartza ez da bere indargunea, baina badaude eta konbinatu daiteke hondartza parke nazionalekin. Ongi uztartu daitezke atsedena eta abentura bertan antolatzen diren aktibitate askorekin».
Europara eta hego hemisferiora ere prestatzen dira ezkon-bidaiak
Gertuago ere aukera zabala da. «Kroazia eta Grezia helmuga ohikoak izaten dira. Italia ere bai. Venezia edo Florentzia, Erromarekin konbinatzean xarma berezia duten hotelekin uztartzen dira, alojamentu bereziak dituzte. Aukera zabala da» Eta ezin dira ahaztu kruzeroak. «Nola ez. Kruzeroak Mediterraneoan , greziar irlak bisitatuz, Kroaziako kosta... arabiar emirerritan ere aukera asko daude eta kruzeroak ere bai».
«Hego hemisferio aldera ere antolatzen dira bidaiak eta ezkon berriek eskatzen dituzte. Afrika momentu honetan geratuago dago, baina safaria Tanzanian migrazio haundia aprobetxatuz eta Maldivaseko hondartzekin konbinatuz ohikoa da. Bidaia hori pandemian prestatu genuen. Hego-Amerika aldera Txile eta Argentina aukeratzen dira. Herrialde haundiak dira eta orduan hegazkinez mugitu behar izaten da herrialdea bertan eta horretarako egunak behar dira».
'Sasoiz kanpoko' ezkontzetarako hego hemisferioa aprobetxa daiteke, hala nola Zeelanda Berriko paisaia zoragarrietan barrena galtzea, Patagonian parrilla on batez gozatzea edo lurreko helmuga urrunenetako bat aurkitzea Antartikako itsas bidaia batean. Aukera guzti horiek aurkitu daitezke bidai agentzietan, xumeagoak ere bai, aurrekontuaren arabera.