Igandean jokatu zuten Añorgako Duatloia, denboraldiko aurrenekoa Gipuzkoan: 5 kilometro korrika, 20 kilometro bizikleta, eta beste 2,5 kilometro korrika, ibilbide gogor bezain teknikoan. Izan zen Urumea bailarakorik ere, partehartzaileen artean.
Hoki Guerrero hernaniarrak, esaterako, bere estreinako duatloia izan zuen Añorgakoa, eta sariarekin bueltatu zen etxera: zortzigarren sailkatu zen emakumezkoetan, 25 partehartzaileren artean; eta aurrenekoa izan zen Open kategorian (federatu gabekoetan).
Maila onean aritu zen Aitor Sanz hernaniarra ere. 42garren sailkatu zen gizonezkoetan, 101 partehartzaileren artean.