Hernaniko mutilen senior taldeak galdu egin zuen Elgoibar liderraren aurka atzeratutako partidua, 17-31. Multzoko talde indartsuena da elgoibartarra, eta bere maila altua erakutsi zuten larunbatean Hernaniko kiroldegian. Aukerarik ez zuten izan hernaniarrek elgoibartarren aurrean. Hala ere, Hernani eroso dago kokatuta sailkapeneko erdialdean, inongo arriskurik gabe. Jubenil neskek ere galdu egin zuten Bergaran 24-22. Mutilek atseden izan zuten.
Emaitzarik onenak neska kadeteen mailan iritsi ziren. Partidu ezin berdinduago batean, Mundarrok irabazi egin zuen, 17-18, Orioko kiroldegian. Hernanik ez zuen horrenbesteko lanik izan, eta etxean 23-17 lortu zuten garaipena. Mutilek gol bakarreko aldearekin galdu zuten.