Aitor Aiestaranek ezin izan zuen larunbatean debutatu garaipenarekin. Berria Txapelketaren lehenengo partiduan 31-35 galdu zuen, Goikoetxearekin batera, Gurrutxaga-Zaldua bikotearen aurka. 31 tantorekin puntua lortu zuten sailkapenean eta oraindik finalerdietara sailkatzeko aukerak dituzte.
Nahiz eta galdu, Aiestaranek partidu ona jokatu zuen. Saketik lau tanto eta peloteoan sei egin zituen, baina une batzuetan ez zen ulertu Goikoetxea urduri batekin. Harmailetan giro ezin hobea izan zen. Bestetik, Zubiri goizuetarrak irabazi egin zuen txapelketa berea, Irazurekin, Loitegi-Eskuderoren aurka.